click

PLAY 

A prolongá i amplia e prohibishon di bula pa islanan BES te promé di yüli

Minister di IenW, Cora van Nieuwenhuizen i minister di VWS Hugo de Jonge, den un karta na Tweede Kamer djaluna ta informa ku a prolongá i amplia e prohibishon di bula pa islanan BES te promé di yüli 6or di atardi ora lokal. E mandatarionan ta trese dilanti ku RIVM a indiká ku e medidanan aki ta keda di importansha pa limitá importashon di Covid-19 riba e entidatnan públiko.


A aktualisá e lista di paisnan pa kua e prohibishon di buelo aki ta bálido riba konseho di RIVM mirando e desaroyo di e paisnan riba hemisferio oksidental, ku a bira paisnan di rísiko haltu relashoná ku plamamentu di e virus ku ta kousa Covid-19. E kambio riba e lista ta ku a pone tur pais di hemisferio oksidental riba dje, ku eksepshon di e paisnan den Reino, Aruba, Korsou i St. Maarten.


E prohibishon ta konta awor pa e paisnan di nort, sentro i sur Amerika i karibe (ku eksepshon pues di e paisnan den Reino), paisnan di Union europeo i Gran Britania.


Manera ya ta konosí, siman pasa gezaghebber Edison Rijna a anunsiá ku entrante promé di yüli Boneiru lo kuminsá risibi bishitantenan for di Hulanda, Belgika, Luxemburg, Fransia i Alemania. Entre e kondishonnan pa por bin Boneiru tin ku mester a tèst negativo pa Covid-19 maksimal 72 ora promé ku bula.

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com