click

PLAY 

A prolongá suavisashon di Belastingdienst Caribisch Nederland

E situashon partikular kousá pa e krísis di Corona ta duna motibu pa (prolongashon di) suavisashon temporal di diferente areglo fiskal. E siguiente suavisashonnan temporal ta na vigor te promé di òktober 2020 pa Boneiru, Sint Eustatius i Saba.


Suspenshon di pago di debenan di belasting

Empresarionan ku temporalmente a haña nan ku problema di likides pa motibu di e krísis di Corona, por a pidi suspenshon di pago. Pa motibu di e impakto persistente di e medidanan relashoná ku e Coronavírùs, ta prolongá e areglo akí. 


Redukshon di interes riba kobransa (porsentahe di interes)

Ta baha e porsentahe di interes ku na e momentunan aki ta 6%, na un porsentahe di 0,0. Esaki ta konta solamente pa esnan ku a pidi esaki i a bin na remarke pa suspenshon partikular di pago. 


Deklarashon di kondukta di pago

Pa deklarashonnan di kondukta di pago (nesesario por ehèmpel pa otorgamentu di pèrmitnan) ta konta ku debenan habrí di Loonbelasting (LB) debí na ‘naheffingsaanslagen’, imponé durante e periodo di suspenshon, no tin efekto negativo pa haña e deklarashon akí.


Notifikashon di inkapasidat pa paga

Si bo a pidi suspenshon di pago pa periodonan pa hasi deklarashon ku ta kaba despues di promé di febrüari 2020, Belastingdienst ta mira esaki tambe komo un notifikashon na tempu di inkapasidat pa paga.


Pago di but pa inkumplimentu 

Ta distruí ofishalmente butnan pa inkumplimentu pa motibu di inkumplimentu ku pagonan imponé den e periodo di 12 di mart 2020 te ku e fecha riba kua e suspenshon ta na vigor. Esaki ta konta pa tur medio di impuesto pa kua e areglo temporal di suspenshon partikular akí ta konta.



Suèldu komun (bálido te promé di yanüari 2021)

Pa e suèldu komun ta konta ku, bou di sierto kondishon, e suèldu komun pa aña 2020 por ta igual na e ganashi komersial (pero nunka negativo). Si e suèldu ku a paga realmente ta mas haltu, naturalmente mester  sigui e suma ei.


Informashon adishonal

Pa e desishon kompleto di 16 di yüni 2020, publiká riba 18 di yüni 2020 den ‘Staatscouran’t, bo por wak riba https://www.belastingdienst-cn.nl/documenten/publicaties/staatscourant-publicaties/juni-2020/18/index.

Pa pregunta por tuma kontakto ku e Helpdesk di Belastingdienst via meil helpdesk@belastingdienst-cn.nl.

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com