click

PLAY 

Barku Patruyero Zr.Ms. Groningen a sali pa Region Karibe

Zr.Ms. Groningen a sali riba dia 24 di yüni for di Den Helder, Hulanda, pa kuminsa bèk ku su tarea komo barku patruyero den Region Karibe. E OPV (ocean-going patrol vessel-barku di patruya oseániko) pa motibu di mantenshon nesesario, a nabegá temporalmente bai bèk Hulanda. Pa motibu di Corona no tabata posibel pa trese e personal di mantenshon via avion den e region. E barku ta parti di un programa piloto den kua e barku di Marina ta keda den Region, pero e personal ta kambia.


Zr.Ms. Zeeland, ku no ta deskonosí den region, ultimo lunanan a nabega komo barku di patruya. E barku a tene diferente patruya tantu pa Defensa komo pa Wardakosta Region Karibe. Pa medio di esaki ta aportá ku mantenshon di siguridat na e fronteranan marítimo. Banda di evita transporte marítimo ilegal di droga, tambe e barku tabata kapas pa prevení ku imigrantenan indokumentá por a desembarká i tambe asina posibel infekshon ku Corona.

Despues di un bon traspaso den region, Zr.Ms. Zeeland ta sali direkshon di Hulanda. Ku esaki nan ta kompletáun biahe di kuater luna.

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com