click

PLAY 

Bas van ’t Wout ta sekretario di estado nobo di SZW

Bas van ’t Wout a huramentá djaweps komo sekretario di estado di Asuntunan sosial i di labor (SZW). E ta bira susesor di Tamara van Ark, ku a bira minister di Kuido médiko i Deporte.


Segun Van ’t Wout, trabou, entrada  i un nèt sosial na drechi ta hopi importante. E ta bisa di ta realisá ku hendenan, sigur awor akí, ta èkstra preukupá pa nan trabou i situashon finansiero. E prekupashonnan aki ta komprendibel i un motivashon èkstra pa traha duru den e periodo ku ta bini.


Na september 2012 Van ’t Wout a bira miembro di Tweede Kamer pa partido VVD, kaminda e tabata atende ku entre otro asuntunan sosial i labor. For di 2017 e tabata vise presidente di su frakshon i bosero pa Asuntunan General i Kas Real.


Komo sekretario di estado di SZW, Van ’t Wout ta enkargá ku entre otro asuntunan di su ministerio pa Hulanda karibense.

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com