click

PLAY 

Boneiru a kita Sint Maarten for di lista di paisnan ku riesgo abou

A kita Sint Maarten for di e lista di paisnan ku riesgo abou. Na e isla tin hopi persona ku COVID-19. Na mesun momento a disidí pa tene espasio aéreo sera pa paisnan ku riesgo haltu te promé sèptèmber.

Bo ta bonbiní atrobe na Boneiru si e pais for di unda bo ta bini ta riba e lista di paisnan safe. E paisnan safe ta Aruba, Kòrsou, Saba, Sint Eustatius, Hulanda, Bèlgika, Fransia i Suisa. Si e pais di unda bo ta bini for di dje no ta riba e lista, bo tin ku warda pa bini Boneiru òf bai 14 dia den karentena riba bo propio gastu.

E kantidat di kaso aktivo di COVID-19 riba djadumingu último a yega 36.

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com