click

PLAY 

Boneiru kontentu ku por habri espasio aéreo

Ta un señal positivo ku desde 15 di yüni tin e posibilidat pa habri frontera pa biaha den Reino Hulandes, asina gezaghèber Edison Rijna a deklará  Gezaghèber ta enfatisá sí ku desishon final pa habri frontera ta kai despues di konsultá ku e otro paisnan den Reino. Esaki a base di konseho di e Outbreak Managment Team (OMT) di RIVM, e tim di e instituto di salubridat i medio ambiente na Hulanda.

E Outbreak Managment Team (OMT) ta presentá pronto nan rapòrt durante e asina yamá vierlandenoverleg, e konsulta entre kuater país. Entidat Públiko a pidi e tim akí entre otro pa konsehá nan kon pa limitá riesgo ku e vírùs di corona ta plama na e isla. I si mester tin karentena òf nò. A base di e rekomendashonnan den e rapòrt lo evaluá i stipulá fechanan pa habri esapasio aéreo den Reino Hulandes.

Pa biaha den Reino tin ku tene kuenta ku e instrukshonnan di higiena ku ta bálido den e destinashon ku ta biaha pe. E ora ei tur e partinan di Reino ta seif pa risibí bishitante.

Desde mart a sera espasio aéreo di Boneiru komo prevenshon pa e vírùs di corona plama. Awor ku e situashon ta sufisiente bou di kontròl, por sigui suavisá sierto di e medidanan. Gezaghèber Rijna ta enfatisá ku e instrukshonnan di higiena ta keda na vigor. Esta tene distansha sosial di 1.5 meter, laba man, tosa den parti paden di bo èlebog, evitá di mishi ku bo wowo, nanishi i boka.

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com