click

PLAY 

Boneiru ta risibí avion di paisnan pafó di ‘air-bubble’  

Aeropuerto di Boneiru BIA ta permití e dianan aki avion bini for di e islanan ariba. Ta trata di avionnan ku ta bini for di paisnan ku ta pafó di e asina yama ‘air-bubble’, esta e paisnan ku riesgo haltu pa haña kontaminashon ku vírùs di corona. Den e avionnan aki tin solamente e tripulante.

Ta hasi un eksepshon pa e avionnan aki pa evitá ku nan ta haña daño dor di mal tempu ku ta aserkando islanan ariba. Manera tin pará den e ordenansa di emergensia ku ta na vigor for di e luna aki, no ta permití e avion bini ku pasaheronan for di paisnan ku riesgo haltu. Esaki pa evitá kontaminashon ku e vírùs di corona.

Aeropuerto BIA ta spera sinku avion for di Puerto Rico ku ta bini Boneiru den e dianan aki. Debi ku ta konsiderá Puerto Rico komo un di e paisnan ku riesgo haltu tur tripulante ta bai den karentena obligatorio na un sitio sentral riba nan propio gastu. Ta kumpli asina ku lokual tin para den e ordenansa di emergensia.

Haf di Boneiru tambe ta duna oportunidat na doñonan di boto pa bini Boneiru pa warda mal tempu pasa. Meskos ku esnan di e avionnan, e tripulantenan di e botonan tambe tin ku bai den karentena pa 14 dia. Asina ku mal tempu pasa, e avion i botonan ta regresá nan pais bèk.  

Ta pidi un i tur pa keda mantené nan mes na reglanan di higiena i kondukta pa evitá kontaminashon ku e vírùs di corona. Pues keda mantené 1.5 meter di distansia, laba man i evitá ta den grupo grandi. 

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com