click

PLAY 

Coronavirus a para moveshon di pasaheronan na Hulanda karibense

Kaminda ku na mart 2019 ainda tabatin 43.4 mil pasahero ku a bula di i pa Hulanda karibense, na mart di e aña aki esaki tabata 25.4 mil pasahero. Un bahada di 41%. Na april 2020 menos ku 300 pasahero a bula di i pa Hulanda karibense. Esaki segun sifranan di CBS, ku di e forma aki ta mustra e krisis di corona den sifra. 


Na mart i april e kantidat di pasahero ku a yega na e tres aeropuertonan huntu a baha ku 74% kompara ku mart i april 2019. Pa e kantidat di pasahero ku a bandona e islanan esaki tabata un bahada di 63%. Pa e bahada aki april tabata determinante.


E sifranan di CBS ta mustra mas aleu ku na aeropuerto di Boneiru e kantidat di pasahero ku a yega i a bai a krese den yanuari ku 2.73% i na februari ku 15.55% kompara ku 2019. Pero na momentu ku a sera frontera na mart e kantidat di pasahero a baha ku 40.98% na mart i 99.38% na april.

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com