click

PLAY 

Den 2019 FIU a trata 276 transakshon sospechoso

Financial Intelligence Unit - Hulanda, FIU-Hulanda, den su relato di 2019 ta trese dilanti ku tur e dunadornan di servisio ku tin e obligashon di mèldu riba islanan BES mester mèldu transakshonnan inusual serka FIU-Hulanda konforme ‘Lei pa evitá labamentu di plaka i finansiamentu di terorismo pa Hulanda karibense’ (Wwft BES). Pa sòru ku di un forma dirigí tin atenshon pa e dunadornan di sèrvisio ku tin e obligashon pa mèldu, si ta nesesario, esakinan ta den kontakto ku un liaison di FIU-Hulanda. Den 2019 FIU-Hulanda a risibí 1031 transakshon inusual for di e dunadornan di servisio establesé riba islanan BES. Mayoria di e transakshonnan inusual aki a bini di bankonan, douane, notarionan i konseheronan di impuesto. E kantidat transakshonnan inusual ku ta risibí anualmente no ta fluktua masha.


Den 2019 FIU-Hulanda a deklará 276 transakshon inusual komo transakshon sospechoso, relashoná ku islanan BES. FIU-Hulanda a hinka e 276 transakshonnan sospechoso aki den 26 dossier, i huntu nan tin un balor di mas ku 21 mion euro. Entre e transakshonnan sospechoso ku a mèldu tabatin dies transakshon ku e personanan tabatin intenshon di hasi. Pa e transakshonnan sospechoso tambe ta konta ku bankonan a mèldu mayoria di e transakshonnan aki. Den 2019 FIU-Hulanda a deklará mayoria di e transakshonnan inusual na islanan BES komo sospechoso abase di propio investigashon. FIU-Hulanda a risibí un kantidat di 24 petishon di fiskal den 2019. FIU-Hulanda a entregá tur transakshon sospechoso na servisionan di opsporing, di informashon i di seguridat i/of na Ministerio Publiko i RST.

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com