click

PLAY 

Den 2019 Ministerio Publiko BES a invertí hopi den ehekushon di kastigu

Den 2019 Ministerio Publiko BES a invertí hopi den ehekushon di kastigu. Último añanan tabatin retraso den esaki. Pa e motibu aki interés di e víktimanan a bini ta para bou di preshon ku e riesgo ku kondenadonan no ta sinta nan kastigu (di prisòn). E kredibilidat di e estado di derechi tambe a keda debilitá. Pasobra, ki balor un sentensia tin si e no keda ehekutá? 

Implementashon di kastigu òf ehekushon, na islanan-BES ta responsabilidat di Ministerio Públiko. E tarea di ehekushon ta enserá por ehèmpel kobransa di but i daño perhuisio, mèldu òf/i hinka kondenadonan den prisòn, lokalisá kondenadonan ku ta perdí, informá víktimanan di e proseso di ehekushon, destruí òf kita artíkulonan konfiská i supervisá trayektonan di reclassering i kastigu di trabou. 

Tantu e kadena hudisial komo komunidat en general mester kustumbra ku e atenshon èkstra pa ku e víktima i e direkshon estrikto di ehekushon. Ku e manera nobo di traha i pensa, gran parti di lokual tabata atrasá a keda eliminá, disponibilidat di e debedornan pa hasi pago a bira mas grandi i tambe a bira posibel pa kobra daño perhuisio serka e detenidonan. 

Den ougùstùs 2019 a haña un boto di piskado ku tabata transportá droga i munishon for di Venezuela pa Boneiru. Den un kaso penal, Korte a konfiská e boto. E boto i kapitán ta indespensabel i pa e motibu aki elemento nan importante pa importashon di artículo prohibí i ekstranhero ilegal. For di e punto di bista aki, por defendé konfiskashon di e boto, ku ta un kastigu èkstra pa e kapitán. 

Pago di But

Den 2019 a repartí 1127 but di tráfiko na islanan-BES, pa un suma total di $127.311. Esaki ta un oumento di 27% kompará ku aña pasá (890). Di esakinan a paga 647 ku un transakshon of un veredikto pa un suma total di $70.475.

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com