click

PLAY 

Despues di 5 aña sin blackout, Boneiru tabatin un blackout awe

Djabièrnè 31 di yüli alrededor di 8:00 di mainta Boneiru kompleto a eksperensia un interupshon masivo di koriente (blackout). Kompania di Awa i Elektrisidat Boneiru (WEB) su prioridat tabata pa restablesé koriente di un manera safe i lihé pa pueblo di Bonaire. 

Durante oranan di mainta, WEB a logra restablesé suministro di elektrisidat na vários área na Boneiru. A konektá algun área riba e ret di elektrisidat for di 9:30 am. Suministrashon di elektrisidat a keda restablesé 12:50 pm pa henter Boneiru. 


E interupshon ku a kousa e “blackout” probablemente a sosodé na parti di produkshon. Esaki a pone ku henter e isla a keda sin koriente. 

WEB i ContourGlobal Bonaire lo instalá un komishon pa investigá e motibu di e black out, i lo komuniká esaki na pueblo di Boneiru. 

Kompania di Awa i Elektrisidat ta pidi su diskulpa pa e inkumbiniensia ku esaki por a trese kuné. 

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com