click

PLAY 

Dosentenan di 'Pienter in taal' a sigui kurso di 'public speaking'

Djasabra 30 di mei tabatin klousura di e kurso di 'public speaking' bou di guía di Jefferson Rosalia.  Pa finalisá e kurso 3 dosente di 'Pienter in taal' a presentá un diskurso den presensia di koleganan i famia durante di un enkuentro ameno na Rincon. Durante di e enkuentro akí a entregá tambe e sertifikado korespondiente.

E dosentenan a sigui e kurso di 'public speaking' durante di e periodo trankil di Covid-19. Jefferson Rosalia, coach di talentenschool, a hasi uso di e temporada trankil akí pa duna e kurso di 'public speaking' na su koleganan. Den e kurso rápido di en total 11 seshon e kursistanan a risibí i desaroyá tur abilidat nesesario pa skirbi i presentá un diskurso na nivel.

Abilidatnan ku ta efikas i útil pa e tarea ku nan ta desplegá dilanti di klas. Pues e dosentenan a usa e temporada di aprel i mei optimal i ta prepará pa e último simannan di 'Pienter in taal' pa e gruponan 7 i 8 di skol básiko.

Riba e foto por apresiá kusistanan
Wianda Steffens, Giovanna Winklaar i Darlène Janga flankeá pa e lidernan di e kurso Jefferson Rosalia i Siagnée Evertsz-Rosalia di Eagle Eye Media.

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com