click

PLAY 

Duana a interseptá droga na aeropuerto Flamingo

Djárason, promé di yüli, Duana CN a topa ku un kantidat di narkótika serka un pasahero durante di un kontrol rutinario di pasahero i nan ekipahe den e sala di yegada di Aeropuerto Flamingo.


Durante di e kontrol, pa kua a uza e kachó narkótiko pa e maletanan, e kachó a reakshoná positivo riba e maleta di e sospechoso. Despues di inspekshon mas profundo a topa ku un kantidat di mariwana riba kurpa di e sospechoso. Ta trata di e hòmber di inisial S.A.C.V. di 28 aña ku tabata riba un buelo prosedente di Kòrsou.


Despues di detenshon a pasa e sospechoso i e mariwana over pa Kmar pa investigashon mas aleu.

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com