click

PLAY 

E nesesidatnan di e poblashon di Venezuela ta keda haltu i esei tin un impakto direkto riba e parti karibense di Reino

Ministerio di Asuntunan di Eksterior den su relato anual di 2019 ta trese dilanti ku Venezuela ta un di e bisiñanan di mas grandi di Reino hulandes: Aruba, Korsou i Boneiru ta situá pegá ku e pais ei. E impase polítiko na Venezuela ta kontinuá. E régimen no a mustra disponibilidat serio pa negoshá. E gobièrnu di Maduro ainda tin sosten di ehérsito i ku esei tin outoridat efektivo den su man. Riba tereno ekonómiko, gobièrnu di Venezuela mester a probechá di kada oportunidat pa mantené su kabes riba awa. Reino hulandes a duna forma mas aleu na e maneho di preshon i diálogo i ku esei ta kana dilanti den EU. Ku rekonosementu di Juan Guaidó, sanshonnan di EU dirigí riba personanan, i raportahe krítiko tokante derechonan humano, a sigui hisa e preshon riba Maduro. Apesar ku e régimen ainda tin outoridat efektivo den su man, ku Guaidó i oposishon, ta ofrese kontra balansa ku komo meta pa protehá e último institutonan demokrátiko ku a sobra.


Komo pais bisiña nos a haña nos mes konfrontá atrobe ku desafionan riba tereno di migrashon i kriminalidat ku ta krusa frontera. Ku sosten di Asuntunan di Eskterior kabinete a pone 24 mion euro disponibel pa sosten tekniko pa Aruba i Korsou. Parti di e sèn aki ta e reakshon riba e petishon di sosten di Aruba i Korsou i parti ta pa medidanan den kuadro di maneho di krísis den region.

Apesar ku a pone un hub humanitario na Korsou, no a logra via di e ruta aki pa manda ayudo humanitario Venezuela. E régimen no a duna pèrmit pa esaki. E nesesidatnan di e poblashon ta keda haltu i ku esei tin un impakto direkto riba e parti karibense di Reino. Sin embargo danki na entre otro International Contact Group ku Hulanda a yuda lanta, tabatin kombersashonnan den e promé mitar di 2019 ku tur dos partido i a krea espasio limitá pa pèrmití ayudo humanitario.

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com