click

PLAY 

Edishon di verano di Bon Bini Bonaire a sali

E edishon di verano di Bon Bini Bonaire a sali. E revista ta un publikashon di gabinete di gezaghebber i ta intenshoná pa tene diferente grupo di enfoke pafó di Boneiru na altura di e desaroyonan riba nos isla. Ta distribuí e revista (digitalmente) bou di hendenan ku a base di nan funshon ta interesá den Boneiru, entre otro mandatarionan, empleadonan públiko, parlamentarionan etc.

Den e edishon di verano ku a kaba di sali ta informá entre otro tokante e Plan di Maneho pa Naturalesa i Medio Ambiente Hulanda Karibense 2020 – 2030 di gabinete hulandes i e reakshonnan riba esei di Kolegio Ehekutivo i Fondo Mundial di Naturalesa. Un otro artíkulo ta bai tokante un rapòrt ku nan a formulá riba enkargo di ‘Tweede Kamer’ hulandes, den kua nan ta indiká Boneiru komo e ‘front runner’ di nos region.

Tambe nan ta para ketu na e investigashon ku minister Van Nieuwenhuizen di Infrastruktura i Maneho di Awa ta laga hasi pa loke ta trata introdukshon di avion ku ta bula riba koriente na Hulanda Karibense. Mas aleu ta duna atenshon na entre otro e proyekto di prueba di AlgaePARC, apertura di e ‘Caves & Karst Reserve’ (Parke Nashonal di Kueba i Karst), Diálogo Sentral i kon Boneiru ta atendé ku e krísis di corona.

Por lesa e edishon nobo di Bon Bini Bonaire riba www.bonaire.gov.nl.

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com