click

PLAY 

Enoc Melaan a fayesé awe mardugá 

E persona ku siman pasá a pèrdè den mondi den area di Bopec, a fayesé awe mardugá   den hospital na Korsou.  Ta trata di Enoc Poulino Melaan di 39 aña kende siman pasá djarason a bai tira yuana den mondi den besindario di Bopec huntu ku un otro persona ku ta su tio. Na un dado momentu nan a pèrdè otro i no por a haña Enoc Melaan den e mondi. A alarmá outoridatnan ku a kuminsa ku un búskeda grandi djarason atardi mes, i a kontunua ku esaki djaweps mainta. 

Despues di hopi buska den mèrdia e helikopter di wardakosta a mira e persona drumí riba su barika den mondi. Ku helikopter a  hib’e aeropuerto kaminda ambulans tabata warda pa hib’e hospital. Na hospital nan a konstatá ku su situashon tabata basta serio i a disidí pa mandé Korsou pa risibí tratamentu médiko mas avansá.

Awe mardugá su situashon a empeorá i ela fayesé pa 3’or.

Nos kondolensia ta bai na  famianan di e defuntu.

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com