click

PLAY 

Entrante 1 di yüni temporada nobo di orkan ta kuminsá

E temporada nobo di orkan ta kuminsá ofisialmente riba djaluna 1 di yüni. E ta dura te fin di novèmber. Sea bon prepará pa esaki. Insufisiente preparashon pa un orkan por tin influensia riba bo siguridat durante un desaster di orkan.


Aña pasá durante temporada di orkan a parti un foyeto di orkan na kuater idioma pa tur kas di famia na Boneiru. Konsultá e foyeto aki pa informashon pa prepará bo mes pa un tormenta tropikal òf orkan. Den e foyeto tin tambe kiko gobiernu di Boneiru ta hasi durante un orkan i kua number di emergensia bo por yama. Bo no tin e foyeto mas? E ora ei ‘download’ esaki via www.bonairegov.com.


E informashon aki bo por lesa tambe den e app: Disasterprep Bonaire. Por download Disasterprep Bonaire via iTunes i Google Play. Den e app bo ta lesa kon bo por prepará bo mes pa diferente kalamidat. Den dje bo ta lesa kiko Entidat Públiko Boneiru ta hasi, i kua ta e number di emergensia i medionan sosial di gobiernu. Via e app Entidat Públiko Boneiru por manda mensahe importante pa tur usuario.


Tin un tim di kombatimentu di desaster ku ta prepará su mes pa un krísis òf kalamidat i ta kombatí esaki tambe ora e tuma lugá. E tim ta kordiná ku diferente instansia (polis, kuerpo di bombero, dòkter, kuido di poblashon) kiko tin ku pasa ora ku tin peliger durante i despues di un orkan òf tormenta tropikal. Banda di esei a sòru pa shèlter pa hendenan ku no ta safe mas den nan propio bibienda.

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com