click

PLAY 

Fundashon Mariadal lo skrin tur bishitante

Pa motibu di e krísis di corona Fundashon Mariadal lo skrin tur bishitante na entrada prinsipal i na Ayudo di Emergensia. Esaki ta konta pa tur bishitante di tur ‘afdeling’ den Fundashon Mariadal su edifisio. Ku e medida aki Mariadal ta protehá su bishitantenan, su pashèntnan i su personal. Di e manera aki nos por mantené e distansiamentu sosial di 1,5 meter riba tur ‘afdeling’.


E skrinen ta tuma lugá tur dia entre 7.00 i 20.00. Relashoná ku distansiamentu sosiala apuntá un kantidat máksimo di bishitante pa e salanan di espera di tur afdeling. Ora ku alkansá e máksimo aki, ya for di na entrada ta pidi bishitantenan pa warda pafó di e edifisio.


Ora ku drenta tur bishitante mester mèldu nan mes na resepshon. Esaki ta konta tambe pa akompañantenan òf intérpretenan. A base di un prosedura e empleado na bali lo determiná si akseso na e edifisio ta posibel. Si esaki ta e kaso, e ora ei ta entregá na kada bishitante un ‘badge’ i un ‘mondkapje’. Ora di bandoná e edifisio mester entregá e ‘badge’ bèk.


Bishitantenan ku ta nifiká un riesgo pa motibu ku nan tin kentura, ta tosa, tin problema ku halamentu di rosea, tin doló di garganta òf ku na un otro manera ta nifiká un peliger di infekshon, no por drenta sin sita (via nan dòkter di kas). E bishitantenan aki no por drenta den botika, ni den ‘afdeling’ di hende malu (Sentebibu), ni den kamber di parto, ni den Kas di Kuido. Den kaso ku nan a bin buska remedi, nan por mèldu esaki na resepshon. E ora ei un empleado lo buska e remedinan i entregá nan na e persona konserní.


Fundashon Mariadal ta pidi pueblo di Boneiru komprenshon i koperashon den ehekushon di e areglo pa bishitante aki. Huntu kontra corona!

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com