click

PLAY 

Gezaghebber ta laga analisá dokumentonan di traspaso di BHM

Riba petishon di gezaghèber Edison Rijna e kompania Governance & Integrity International a kuminsá analisá kontenido di e dokumentonan di traspaso di Bonaire Holding Maatschappij. Ta studia e dokumentonan pa despues duna un konseho kon ta sigui. 

Pa gezaghèber Rijna, komo esun ku ta vigilá integridat di servisio públiko i gobernashon, ta masha importante pa investigá ku koutela e akusashonnan kontra e aparato públiko. Di e manera akí e ta mustra di ta tuma e akusashonnan na serio ku ta keda hasi kontra ámtenar i mandatarionan. Kaminda mester ta kontradesí e akusashonnan. Pa otronan ta tuma medida. 

Pronto ta presentá e resultado di e trabou di Governance & Integrity International na gezaghèber Rijna. E rapòrt final ta kla promé ku fin di luna. 

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com