click

PLAY 

Gezaghèber a risibí foyeto di Krus Kòrá kon pa prepará pa temporada di orkan

Pa tur hende ta bon na altura kon prepará pa e temporada di orkan, Krus Kòrá ta partiendo foyetonan kas pa kas. Resientemente miembronan di Krus Kòrá a pasa tambe serka gezaghèber Rijna pa entregá e foyeto akí tokante preparashon pa orkan. Eilandsecretaris Gabriel van Arneman kende ta e kordinadó di kalamidat tambe a haña un di e foyetonan for di man di Marciano Silberie ku ta mènedjer di Krus Kòrá. 

Huntu ku e foyeto tokante preparashon pa temporada di orkan Krus Kòrá ta parti tambe e foyeto di vírùs di corona ku Gobièrnu di Boneiru a laga traha. Banda di esei gobièrnu a pone e foyeto tokante orkan ku a parti na tur kas aña pasá riba e website bonairegov.com. Pa ta bon na altura kiko ta pasando durante un temporada di mal tempu ta pidi tur hende ku un telefòn selular pa instalá e app ‘Disasterprep Bonaire’. Den e foyetonan tin informashon kon anda ora un situashon di mal tempu presentá.

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com