click

PLAY 

Gezaghèber i hefe di kuerpo a kombersá ku organisadó di demonstrashon kontra rasismo

Mundialmente komunidat ta bini huntu pa para ketu kontra rasismo. Na Boneiru tambe un grupo lo bini huntu riba djárason 10 di yüni, pa na un manera pasivo demonstrá ku nan ta kontra rasismo. 


Gezaghèber a duna pèrmit pa un manifestashon pasivo i huntu ku hefe di kuerpo polisial a hiba kombersashon ku e organisadó pa enfatisá e reglanan tokante distansia sosial i ora ta trata di un manifestashon pasivo. Teniendo kuenta ku e seguridat públiko, a duna pèrmit pa un maksimo di 200 persona, si respetá distansia sosial. Naturalmente Gezaghèber i hefe di kuerpo tambe ta kontra rasismo i ta kere ku esaki lo ta un demonstrashon pasivo, ku rèspèt ku kua Boneiru ta mustra di ta sostené e tema aki na un manera digno.

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com