click

PLAY 

Gobièrnu di Boneiru ta buska eksperto pa skirbi Plan Maestro 20 30

Den añanan 90 gobièrnu di Boneiru a duna pèrmit pa formulá e Plan di Desaroyo Boneiru 1998 - 2002 ‘Kresementu ku konservashon di naturalesa i kultura’. Ku e kresementu i desaroyo rápido di Boneiru den e último añanan ta esensial pa desaroyá un Plan Maestro pa un indikashon i direkshon evidente pa implementashon di e desaroyonan na nos isla den futuro. Esaki mester tuma lugá den koperashon ku tur stakeholder i komunidat boneriano en general pa duna forma na e vishon nobo aki.

Komo konsekuensia di esaki a kuminsá ku e trayekto aki ku e evento di Kick-off dia 6 di novèmber 2019 ku un dia di inspirashon, siguí pa dos dia di tayer riba 7 i 8 di novèmber 2019. Pa ta sigur ku ta bini mes tantu hende i entidat di Boneiru banda di interesadonan for di eksterior, a disidí pa kontinuá ku e proyekto aki via diferente aserkamentu pa optené mas tantu informashon posibel pa por tuma e mihó desishonnan pa futuro di Boneiru.

Ta ehekutá e ròndunan di konsultashon aki i skirbimentu di e plan maestro mes den nuebe luna. Durante e promé seis lunanan ta aserká komunidat boneriano i stakeholdernan pa duna nan aporte pa e vishon nobo pa Boneiru. Seguidamente durante tres luna ta prosesá e aporte di nos komunidat den e Plan Maestro 20 30. Dia 10 di òktober 2020 ta publiká e Plan Maestro.

E meta ta pa identifiká i selektá e eksperto korekto pa revisá i analisá e informashon akumulá i otro prosesonan di maneho pa skirbi e Plan Maestro Boneiru 20 30 integral. E plan aki mester ofresé Entidat Públiko Boneiru un vishon stratégiko amplio i un plan di ehekushon ku ta keda deskribí riba e siguiente terenonan: bon gobernashon, sosial ekonómiko, ekonomia sostenibel, turismo sostenibel, enseñansa, kultura, norma i balor, infrastruktura, naturalesa i medio ambiente, deporte, energia i teknologia sostenibel, industria kreativo, kuido di salú i bienestar.

Pa mas informashon tokante e ToR (Terms of Reference – kuadro di referensia) bo por bishitá  https://masterplanbonaire.com/pages/en/tor/ òf manda un imeil pa  masterplan2030@bonairegov.com.

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com