click

PLAY 

Gobiernunan di islanan BES tambe tin un responsabilidat pa kombatí pobresa

Den un karta na Tweede Kamer djaluna, sekretario di estado Raymond Knops ta skirbi ku e komishon fiho di Relashonnan di Reino den un karta di 28 di mart 2018 ta pidié un reakshon riba un karta di un habitante di Boneiru di dia 31 di desember 2017. Ta trata aki di e señor di inisial  Van de D., ku ta boga pa tuma akshon pa mehorá e bienestar di e gruponan ku ekonómikamente a keda tras. Segun e skirbidó di karta e gobiernu lokal mester tin mas bista pa e siudadano, stabilidat i adelanto di e isla, i ku Hulanda por hasi mas pa yuda Boneiru ku e problemátika di pobresa, ku ta un tarea di e gobiernu di e isla.


Knops ta bisa den su karta ku e ta suprayá e importansia ku van de D. ta duna pa tuma akshonnan konkreto pa mehorá e sirkumstansianan di bida. Den e bestuursakkoord Bonaire 2018 - 2022 tin atenshon  pa e forsa di ehekushon i temanan di prioridat entre kua e parti sosial. Ku e bestuursakkoord a hasi palabrashon pa mas aña ku ta na benefisio  pa kontinuidat di ehekushon di e plannan. Banda di esei kabinete a stipulá e punto di salida pa e minimo sosial loke mester mehorá e posishon di e gruponan vulnerabel.

Pobresa ta un problema na Boneiru, Saba i Sint Eustatius i kabinete ta atende esaki ku medidanan dirigí. Tin algun medida ku por tuma rápido, mientras ku tin otro ku lo tuma mas tempu. 

Sekretario di estado ta bisa den su karta ku kaminda ta trata kombatimentu di pobresa tin un responsabilidat kompartí, pasobra pa e gobiernunan di Boneiru, Saba i Sint Eustatius tambe tin un tarea. 

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com