click

PLAY 

Islanan BES ta keda atraktivo pa labamentu di plaka

Islanan BES ta keda atraktivo pa labamentu di plaka. Esaki a keda konfirmá un bes mas den e Imagen di seguridat OM BES 2018 (Veiligheidsbeeld OM BES 2018). Te ainda ta usual ku ta hasi pago kèsh di sumanan grandi. Tin hopi posibilidat pa hasi invershon (por ehèmpel propiedat inmobil i horeka) kaminda no ta hasi (hopi) pregunta difisil. E konsientisashon di labamentu di plaka di algún instansia ku tin e deber di mèldu esaki no ta desaroyá sufisiente òf ta organisá na un luga muchu leu. 

Den 2018 tabatin 10 petishon pa ayudo hurídiko diparti di ministerio publiko di Hulanda pa ministerio publiko BES di kual 5 tabata relashoná ku labamentu di plaka. Na 2019 tabatin 21 petishon, di kual 11 tabata relashoná ku labamentu di plaka. Banda di esaki, si ta trata di labamentu di plaka, ministerio publiko BES a trata petishon di ayudo hurídiko di Merka i tambe di Slovenia. 

Pa motibu ku e tema ta di prekupashon grandi den Hulanda Karibense, den e próksimo añanan, OM a haña fondonan èkstra den presupuesto pa un fiskal ku ta trata e tema di labamentu di plaka i un trahadó atministrativo. Resientemente huntu ku iCOV, infobox voor crimineel onverklaarbaar vermogen, a hasi un inisio pa lanta un iCOV-BES. Tambe a keda organisá ku den 2020 por prepará reshèrshinan finansiero serka polis. Banda di esaki, partnernan den e kadena hudisial kier instalá un plataforma pa por interkambia informashon. 

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com