click

PLAY 

Komienso di yüni Outbreak Management Team lo trata 

habrimentu di e region di karibe pa turista

Den un karta na Tweede Kamer minister di VWS, Hugo de Jonge, ta duna un update relashoná ku corona virus. Di Karibe hulandes e sifranan tabata lo siguiente pa loke ta kasonan positivo di coronavirus; Aruba (101), Sint Maarten (77), Korsou (16), Sint Eustatius (2), Saba (2) i Boneiru (2). E kantidat di kasonan aktivo na Hulanda Karibense awor ta sero.


Na St. Maarten tin dos pashènt den intensive care i na Aruba i Korsou esaki ta unu. Na St. Maarten 15 persona a fayesé komo konsekuensia di e virus. Na Aruba ta 3 i Korsou 1. E situashon epidemiologo ta stabil i e islanan ta tuma pasonan pa internamente suavisa medidanan.


Riba 24 di april OMT Cariben (Outbreak Management Team) a duna su di dos konseho. RIVM, salubridat públiko di e islanan i hospitalnan ta traha riba realisashon di e medidanan ku a konseha pa termino korto i medio largu.


Ta usa e situashon aktual pa huntu ku e hospitalnan di e islanan traha riba un miho koperashon. E meta ta pa amplia e kalidat i disponibilidat di kuido dentro di e parti karibense di Reino i pa hasi e dependensia di kuido pafo di Reino mas chikitu.


Mas aleu strukturalmente ta manda medionan di protekshon personal i kapasidat di tèst pa e islanan komo parti di e atendementu ku COVID-19. Den e prome siman di yüni lo organisa un OMT Cariben spesifikamente pa trata e punto di habrimentu di e region di karibe pa turistanan.

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com