click

PLAY 

Kompanianan di gobièrnu no ta entrega nan kuentanan anual na tempu

Cft a publiká su reportahe di mitar aña pa e di dos mitar di 2019. Den e reportahe aki ta trata entre otro entrega na tempu di kuentanan anual di kompanianan i fundashonnan di gobiernu. Lei FinBES ta bisa ku Kolegio Ehekutivo anualmente mas tardá 6 luna despues ku e aña finansiero terminá mester entregá e kuenta anual di e entidatnan di kua gobièrnu ta akshonista. Den e reakshon riba e kuenta anual di 2018 Cft a pidi atenshon pa entrega na tempu di e kuentanan anual. 


Na fin di desèmber Cft tabatin e kuentanan anual di tur e 4 entidatnan di gobièrnu di Saba. Segun e kuenta anual di 2018 Boneiru tin 12 kompania i fundashon di gobiernu. Den e di dos mitar di 2019 Cft a risibí kuenta anual di dos di e entidatnan aki.


Cft a pidi Boneiru na diferente okashon pa sòru pa entregá e kuenta anual di e kompanianan aki. Na februari 2019 Cft a palabrá ku Kolegio Ehekutivo ku pa fin di 2019 tur e kuentanan anual di 2018 ta kla i entregá na Cft. A palabrá tambe ku e direktornan ta na luga i huntanan di komisario ta kompletu i ku e statutonan ta kumpli ku lei i reglanan. Cft ta verwacht riba término korto pa risibí informashon tokante e asuntunan aki. Boneiru a nombra entrante prome di november un kwartiermaker. E kwartiermaker entre otro mester konsehá Kolegio Ehekutivo tokante kon por garantisa corporate governance code di forma duradero serka e entidatnan di gobièrnu.

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com