click

PLAY 

KPCN ta hasi yamada pa meldu cybercrime

Banda di kriminalidat den forma físiko, Kuerpo Polisial Hulanda Karibense ta atendé tambe ku diferente keho i desaroyo di cybercrime. Tambe durante di e tempunan difísil aki kaminda COVID-19 ta hunga ròl grandi, KPCN ta keda tene e aspekto aki na bista. Mirando ku mundialmente un kresementu grandi a tuma lugá di hendenan ku ta traha na kas i ta hasiendo hopi mas uso di kòmpiuter i internèt, e tráfiko di data a krese mundialmente di un manera eksplosivo. Na diferente manera kriminalnan ta hasi uso di esaki. Mundialmente pero tambe na Hulanda Karibense, nos konosé e siguiente métodonan di cybercrime:


Estafa pa medio di e asina yama ‘phishingmail’: hendenan ta risibí maill ku ta parse prosedente di kompania/organisashon outéntiko manera banko, gobièrnu, belastingdienst, etc. Mayoria biaha ta enfoká riba e emoshon/seguridat di e kliente i den e notifikashon ta puntra pa ehekutá un trámite dor di klek riba un hyperlenk, despues di kua un página di website falsu ta aparesé. Despues di ‘log in’ riba esaki e kriminal a tuma ofer e informashon di ‘log in’ i por hasi mal uzo di esaki. 


‘Ransomware’: habrimentu di un anekso di un mail, despues di kua ‘ransomware’ ta tuma e kòmpiuter over. Te despues ku paga un sierto suma di e ‘ransomware’, mayoria biaha den cryptovaluta, por habri e kòmpiuter bèk.


‘Malware’: distribushon intenshonal di ‘malware’ via mail of website. Pa medio di e ‘malware’ por wak den kòmpiuter di víktimanan i por haña sa konsigna di e víktima. Ku esaki e ora ei por hasi mal uso di kuentanan di e víktima.


Notisia falsu: ta distribuí diferente notisia via medio sosial, komunikado i wèpsait pa krea inkietut tokante situashonnan aktual den mundu. Hopi biaha tin metanan polítiko su tras, pero tin biaha tambe e motibunan ta ekonómiko òf sosial.


Den kuadro di e krísis di COVID-19 ta di suma importansia pa usa solamente fuente i wèpsait outéntiko i pa no habri meil di kua no ta konosí di ken e ta bin. Institushonnan gubernamental i bankonan nunka lo pidi informashon di ‘log in’ di klientenan i sigur no via meil. Via Facebook i Whatsapp tambe ta uza diferente método pa estafa òf pa yega na informashon di e usuario.


Hopi biaha no ta mèldu ‘cybercrime’ sufisientemente. Kada notifikashon ta yuda ku investigashon na e fuente i ta yuda krea konsientisashon. Si bo a risibí un meil straño i bo ta pensa ku e por kontené ‘cybercrime’, manda e mail dor pa politie@politiecn.com , menshonando bo nòmber i number di telefon pa asina e departamentu di reshèrshi por atendé esaki.

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com