click

PLAY 

Kuater hoben sentensiá pa ladronisia na luga di buseo

Riba djarason 8 di yüli kuater sospechoso hóben a presentá dilanti hues den korte di Boneiru. A gara nan mientras ku nan tabata hòrta den un auto den bisindario di Weber’s Joy, un sitio di buseo. Pa motibu ku e sospechosonan no a yega di kai den man di hustisia anteriormente, hues a kondená nan na un kastigu di prison di dos siman kondishonal i un kastigu di tarea di 40 ora ku un periodo di prueba di dos aña. 


Sifranan di polis na komiensodi aña ta mustra ku ladronisia na sitionan di buseo a bira dòbel na 2019 kompará ku e aña anterior. Medidanan di corona a pone un paro na e tipo di delitonan aki, ku ta perhudiká no solamente e personanan konserní pero tambe e imagen di Boneiru i su habitantenan. E sintimentu di seguridat i tambe e promoshon turístiko ku ta paga ku plaka di belasting ta sufri hopi daño.

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com