click

PLAY 

MBO a entregá 125 diploma

Riba djaluna 29 i djamars 30 di yüni MBO Boneiru a entregá diploma na 125 studiante. Esaki ta mas ku 50 diploma mas ku na yüni aña pasa. Covid a pone ku e entréga di diploma ku nòrmalmente ta tuma lugá en grande a tuma lugá di un otro forma. A krea un ambiente íntimo, loke a pone ku tabatin hopi atenshon pa e studiantenan.

A risibí graduadonan i nan invitadonan na Buddy Dive, kaminda nan a haña algu di kome i bebe. Despues di un photoshoot direktor di e unidat di MBO Boneiru, Liset de Keijzer, a habri e seremonia ku un diskurso chikitu. E guianan di estudio i lidernan di team tabatin palabranan bunita tokante e studiantenan, kaminda por a mira kon orguyoso nan ta ku e esfuero i ambishon di e studiantenan. Despues di e entrega di diploma e studiantenan i dosentenan a sinta huntu na mesa pa un dushi sena na Ingridients of Blennies.

Esaki ta e promé aña ku a entregá diploma pa e estudionan amplio di Dienstverlening i di Bouw en Techniek. Tambe pa prome biaha studiantenan a gradua pa e estudio part-time di Kòki ku tabata na papiamentu i pa Helpende Zorg en Welzijn pa akohida di mucha. A desaroyá e ultimo estudionan aki riba petishon spesial di mundu empresarial. 100% di e studiantenan di e estudionan di Kinderopvang, Servicemedewerker Gebouwen, Dienstverlening, Contact Center Medewerker i Secretaresse a gradua.

Un parti grandi di e graduadonan ta pasa pa un nivel mas haltu na MBO Boneiru. Otronan ta kuminsá nan karera den region of habri nan hala bai Hulanda òf Merka pa sigui un estudio na nivel di HBO. E team di MBO Boneiru ta desea tur e graduadonan hopi éksito den futuro.

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com