click

PLAY 

MBO Boneiru a entregá tres diploma cum laude

E aña aki pa promé biaha MBO Boneiru tin studiante ku a gradua cum laude. E título di honor aki ta bai pa e tres studiantenan part-time Nicole Rosaria, Rohainy Visers i Leann Werleman. Banda di nan trabou na P-Direkt, nan a sigui e estudio di Commercieel Medewerker Contactcentrum nivel 3.


Tin kondishonnan estrikto pa e un menshon di cum laude ofisial. Por ehèmpel e studiantenan mester tin un sifra averahe di 8 of mas haltu i resultadonan di sierto eksamen no por ta bou di un sierto nivel. Esaki ta eksigí un motivashon fuerte di e studiante. Liset de Keijzer, direktor di unidat di MBO Boneiru, tin palabranan di elogio pa P-Direkt pa e forma kon e kompania ta hasi posibel pa su empleadonan por studia bou di ora di trabou. Segun De Keijzer, P-Direkt ta paga pa e estudio di e studiantenan i yuda pensa tokante kon e MBO por sigui optimalisá e estudio. E skol, por ehèmpel, por hasi uso di laptopnan ku no ta usa mas i a haña mobilario di kantor pa por simulá un setting di práktika. Esaki tur ta aportá na un bon preparashon pa e trabou.

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com