click

PLAY 

Ministerio Públiko ta pidi diskulpa na Booi i El Hage

Despues di un prosedura penal ku a dura algun aña, hues a eksonerá Ramonsito Booi i Ginia i Burney El Hage. E investigashon penal kontra di nan a kuminsa 8 di sèptèmber 2009 ku e nòmber Fiji i a haña un kontinuashon den e investigashon Zambesi i a terminá na 2015 ku apsolushon. Na 2017 Booi a entregá un keho na Ombudsman Nashonal tokante proseder di Ministerio Públiko. 

Dia 9 di mart 2020 Ombudsman Nashonal a hustifiká e keho di Ramonsito Booi kontra Ministerio Públiko (OM) di Kòrsou, Sint Maarten i Boneiru, Sint Eustatius i Saba (BES). Awe, djamars 9 di yüni, señor ter Steege, fiskal mayó di Boneiru den un kombersashon personal ku señor Booi, i señor i señora El Hage, a pidi diskulpa na nòmber di Ministerio Publiko. 

Ombudsman Nashonal a duna OM e rekomendashon pa mira kon por hasi un gesto apropiá. Tokante di esei tin deliberashonnan andando ku Ministerio di Hustisia i Seguridat (J&V) na Den Haag. 

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com