click

PLAY 

Muchanan di Kolegio San Luis Beltran a risibi instrumènt 

den kuadro di e proyekto di orkesta di mucha

Siman pasá a entrega dies trompèt, seis trombone, seis hoorn, dies dwarsfluit, seis klarinet, dies drumpads i ocho kontrabas; en total 56 instrumènt, na e muchanan di Kolegio San Luis Bertran den kuadro di e proyekto di orkesta di mucha.

Den luna di febrüari Fundashon Mangazina di Rei a inisiá e proyekto aki ku e prome fase ku formashon musikal general i lès di kantamentu. Pa motibu ku skolnan tabata será en konekshon ku e medidanan kontra virus di corona, e proyekto no por a sigui manera planiá. Awor ku por sigui ku e lèsnan, entre tantu e instrumèntnan tambe tei i por pasa pa e sigiente fase ku e muchanan. E muchanan ta bai haña un introdukshon di kada instrumènt i despues nan ta haña chèns di hasi un eskoho di instrumènt pa nan kuminsa ku e ensayo di tokamentu di e instrumèntnan. Den e proyekto piloto aki e muchanan ta haña 12 lès i na final nan ta forma un orkesta kaminda nan ta bai mustra publiko kiko nan a siña. Probablemente e muchanan lo bai duna e presentashon aki den luna di yüli of ougùstùs. 

Ministerio di Seguridat i Hustisia ta finansia e proyekto aki. Nan ta kere ku ta hopi importante pa organisá mas tantu aktividat positivo pa mucha, pa asina krea mas posibilidat pa e mucha por deskubri su talento i e no ta bai ferfelá su mes fasilmente. Meskos ku deporte, musika ta hasi mucha mas fuerte i felis. Esaki ta krea un bon base pa nan futuro.

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com