click

PLAY 

Ombudsman no por husga den keho kontra polis pasobra

 no a traha un raport profeshonal

Nationale ombudsman no ta husga den kaso di un keho di un habitante di Bonèiru kontra kuerpo polisial Hulanda Karibense. E deklarashonnan di e partidonan konserní ta muchu leu for di otro i no tin un rapòrt profeshonal. Pa e motibu akí ombudsman no por determiná ta kiko eksaktamente a sosodé durante e entrada hudisial na e kas. Ombudsman ta haña sí ku ta asina ku Koninklijke Marechaussee a faya den su informe tokante e entrada hudisial na e kas anto di e manera ei a aktua kontra e profeshonalismo nesesario. Esaki ta loke Nationale ombudsman ta skibi den su rapòrt nobo.


Prosès verbal inkompleto

E keho di e petishonario ta tokante aktuashon di e ámtenarnan polisial di KPCN na Boneiru. Sigun e petishonario, a usa violensia durante e entrada hudisial na e kas. Deklarashonnan di e ámtenarnan di polis ta kontradesí esaki. E prosès verbal di Koninklijke Marechaussee, ku a haña òrdu di KPCN pa hasi e entrada hudisial na e kas, lo mester duna kontesta konkluyente tokante e aktuashonnan durante e entrada hudisial na e kas. Pero den e prosès verbal akí ta falta informashon ophetivo, motibu pa kua ta imposibel pa stipulá kiko a sosodé.


Rekomendashon pa Koninklijke Marechaussee

Ombudsman no por husga tokante aktuashon di polis si no tin un informe profeshonal. Pa e motibu ei e ta rekomendá Koninklijke Marechaussee pa semper despues di un entrada hudisial, traha un prosès verbal ku ta kumpli ku e profeshonalismo i eksihensianan legal rekerí.

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com