click

PLAY 

Outomobilista fuma ku a dal peaton ta haña but

Djaweps 11 di yüni a presentá den Korte di Promé Instansia na Boneiru, un shofùr di 29 aña ku aña pasá durante festividatnan di karnaval a dal un peaton ku su auto. Manera e outomobilista aki mes a rekonosé, e la bebe mas o menos 14 bòter di serbes. E la supla 610 ug/l ku e aparato pa tèst rosea. E kantidat ku ta permití legalmente ta 220 ug/l. Tabata obvio ku e no por a kalkulá e velosidat di su vehíkulo i no a pone atenshon riba kaminda dor di e uso eksesivo di alkohòl. A pesar di e sla duru, e víktima a sobrebibí e aksidente. 

Bebementu di alkohòl i korementu di outo no ta bai huntu. Hopi biaha dos serbes ya kaba ta di mas. Kore outo bou di influensha di alkohòl ta un delitu. Den tráfiko kada shofùr ta responsabel pa su mes, e sobra personanan den auto, pero tambe pa hendenan ku ta rondo di dje. 

Mirando seriedat di e echo, hues a kondená e shofùr konforme demanda di fiskal na un but di $550 di kual $150 kondishonal, ku un periodo di prueba di 1 aña.

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com