click

PLAY 

Outoridatnan a konfiská boto pa labamentu di plaka

Djaweps último dia 9 di yüli, dos sospechoso a presentá den korte di Boneiru. Un muhé (59 aña) i su suegro (43 aña). Durante un búskeda na e adrès di e suegro, a bin topa ku un kantidat di kokaina serka e muhé. Un otro sospechoso ya a keda kondená pa poseshon i trafikashon di droga. 

E homber a keda sentensiá pa labamentu di plaka . E la kumpra un boto (Chantal) pa un suma di $20.000,- probablemente prosedente di un delitu. Según e sospechoso, e la heredá e plaka pero e no por a prueba esaki. Fiskal a demanda konfiskashon di e boto pa motibu ku esaki ta obheto di e delitu di labamentu di plaka i tambe un kastigu di prisòn inkondishonal di dos luna. 

E muhé no a yega di kai den man di hustisia i ya a sinta 25 dia den aresto preventivo. Ministerio Públiko a demanda un kastigu di prisòn di 60 dia di kual 35 dia kondishonal i un periodo di prueba di dos aña. 

Hues a sentensiá ambos sospechoso konforme demanda di fiskal. 

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com