click

PLAY 

Polis a hasi diferente detenshon relashoná ku kiebro i enkubrimentu

Kiebro Kaya Haarlem, entre 9 pa 10 di mart 2020
A detené un sospechoso di inisial I.L.S. di 32 aña en konekshon ku kiebro i enkubrimentu di artíkulo hòrtá. Ta lenk e sospechoso na e kiebro den un kas situá na Kaya Haarlem. A tene un entrada hudisial kaminda a konfiská joya. Den e kaso aki yama i interogá un di dos sospechoso di inisial J.G.M. e/v S, di 34 aña en konekshon ku enkubrimentu di artíkulo hòrtá, den e kaso aki.

Kiebro Bulevar Gobernador Nicolaas Debrot, entre 20 i 21 di mart 2020
Aki a detené un sospechoso di inisial M.A.A. di 27 aña en konekshon ku kiebro i enkubrimentu di artíkulo hòrtá. Ta lenk e sospechoso na e kiebro den un kas situá na Bulevar Gobernador Nicolaas Debrot. A tene un entrada hudisial i a konfiská artíkulonan prosedente di ladronisia. A interogá un di dos sospechoso di inisial N.A.T. di 41 aña, pa kiebro i enkubrimentu di artíkulo hòrtá.

Kiebro Kaya Mazurka i Kaya Mendelsson
Den e periodo di 4 di aprel i 16 di aprel 2020, tabatin un grupo aktivo ku a drenta den diferente kas situá na Kaya Mazurka i Kaya Mendelsson. Den e kaso aki a hasi 6 detenshon, di kua 2 ta menor di edat. Ademas a yama i interogá 2 sospechoso, di kua 1 ta menor di edat, pa kiebro i enkubrimentu di artíkulo hòrta.

E inisialnan ta: J.G.A.W di 16 aña; A.M.S. di 15 aña; J.C.J.W. di 19 aña; S.D.J. di 18 aña; M.M.R. di 14 aña; J.Y.J.S. di 18 aña; R.M.M.S. e/v V. di 31 aña; K.Y.S. di 19 aña.

A resolvé un total di 8 kiebro. A tene 7 entrada hudisial durante kua a konfiská artíkulonan prosedente di ladronisia.

A laga kuater kuater sospechoso den e kaso aki den libertat bou di kondishon ku nan no mag tin kontakto ku otro despues di skol i tambe ku nan mester ta na kas entre 9 or di anochi i 6 or di mainta. A detené tur kuater bèk komo ku nan no a tene na mes na e kondishonnan.

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com