click

PLAY 

Polis a tene diferente kontrol riba kumplimentu ku Lei di trafiko

Riba djamars 16 di yuni, entre 6or di atardi i 7.30 or di anochi, agentenan di Kuerpo Polisial Hulanda Karibense a duna varios proses ferbal pa e echo ku no ta kumpli ku e Lei di trafiko.


Durante di kòntròlnan a duna diferente but, manera pa entre otro manehá sin seguro i reibeweis, pa no tin hèlm bisti, pa glasnan muchu skur, pa no bisti faha di seguridat, pa kore ku telefòn selular den man i pa kore sin plachi di number. 


Por a nota ku hopi outomobilista ta hasi uzo di nan telefòn selular durante ku nan ta manehando. Pa e violashon aki tin un but di $225.

Durante di un di e kòntròlnan a konfiská tambe un skuter komo ku e shofùr no tabatin reibeweis ni seguro i e skuter no tabatin plachi di number. A hiba e skuter warda di polis pa mas investigashon.

Polis ta sigui kontrolá aktivamente riba kumplimentu ku e reglanan di tráfiko. Esaki ta pa garantisá seguridat di un i tur ku ta partisipá den tráfiko, sea di forma aktivo òf pasivo.

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com