click

PLAY 

Riba 90% di alumnonan di SGB a slag

E parti final di aña eskolar pa alumnonan den klas di èksamen e aña aki tabata kompletamente otro for di otro añanan dor di corona virus. Gobiernu hulandes a tuma e desishon ku no tin èksamen sentral, i esei a nifiká ku e skolnan mester a usa nan mes toetsnan (S.O.) pa determiná si e alumno a slag. Esaki segun e direktor di SGB, Frans van Efferink.


E alumnonan a risibí e resultado final antayera i e porsentahe di alumnonan ku a slag ta lo siguiente; VMBO-B 90%, VMBO-K 93%, VWO-100%, Havo 91% i Mavo 95%.


E direktor di SGB ta bisa ku e kantidat di alumno ku a slag lo por subi, ya ku ainda tin alumno ku mester traha un toets pa mehorá nan resultado. E toets aki ta pa duna alumnonan ku lo a druip un chèns mas, pa asina e echo ku no tabatin èksamen sentral no perhudiká nan.


Van Efferink ta kontentu ku e resultado i ta trese dilanti ku e S.O. di e skol ta na nivel. “Inspekshon a duna e skol komplimènt tambe ku esaki, i dosentenan a kustumbra di traha SO na nivel”. 

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com