click

PLAY 

Rijksrecherche lo ta permanentemente na Hulanda Karibense ku sede na Boneiru

Rijksrecherche ta dediká su mes prinsipalmente na investigashonnan kontra funshonarionan  gubernamental i esnan di entidatnan di gobiernu. Rijksrecherche ta konsistí di reshèrshenan ku eksperensia ku ta haña sostén di un sekshon di staff i un sekshon  operashonal. Nan ta traha for di kuater sitio na Hulanda: Amsterdam, Den Haag, Zwolle i Den Bosch. Awor ta bai añadí Boneiru na e sitionan aki.


Esaki segun un komunikado di Ministerio Públiko BES.


Rijksrecherche lokashon Boneiru ta e úniko parti di Ministerio Públiko ku ta kai direktamente bou di responsabilidat di prokurador general di Ministerio Públiko di Kòrsou, Sint Maarten i Boneiru, Sint Eustatius i Saba. Asina Rijksrecherche ta interpretá su papel di e instansia imparsial ku ta investigá (supuesto) komportashon kastigabel den gobiernu. For di 15 di ougùstùs 2020 Rijksrecherche lo ta presente permanentemente den Hulanda Karibense (Boneiru, Sint Eustatius i Saba) ku sede na Boneiru. Rijksrecherche di Hulanda Karibense lo traha intensivamente huntu ku Rijksrecherche di Hulanda Oropeo i ku Landsrecherche di Kòrsou, Aruba i Sint Maarten. 

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com