click

PLAY 

Sekretario di estado Knops ta konsehá Kolegio Ehekutivo pa nombra komisarionan i pone maneho finansiero na ordu den kompanianan di gobiernu

Despues di kartanan ku Eks-direktor temporal di Bonaire Holding Maatschappij (BHM), Ben Oleana, a skirbi na sekretario di estado Knops tokante e situashon di kompanianan di gobiernu i ku politika ta domina e situashon ku ta pone ku e kompanianan no ta funshona manera mester ta, awe 2 di yüni Knops a skirbi gobiernu di Boneiru ku e ta konsehá gobiernu pa atende e situashon di e kompanianan ku firmesa i huntu kustakeholdernan tuma e mando i traha pa mehorá e maneho di e kompanianan di gobiernu.


Knops ta pidi gobiernu yena e vakaturanan di e komisariadonan di e kompanianan i tambepa pone e atministrashon finansiero di e kompanianan na ordu di un forma diligente. Segun e sekretario di estado esaki mester ta na bienestar di e funshonamentu di e kompanianan di gobiernui e kalidat di e servisio ku nan mester duna na e habitantenan di Boneiru.


Den su karta di awe Raymond Knops ta bisa gobiernu di Boneiru ku e ta skirbi gobiernu pa motibu ku ta gobiernu ta esun ku mester soru pa bon maneho den e kompanianan di gobiernu i komo representante di akshonista di e kompanianan. Knops ta bisa tambe den su karta kue ta skirbi pa motibu di e diferensia di opinion ku tin entre gobiernu i e direktor interinodi BHM. E sekretario di estado ta skirbi tambe di kartanan ku ela risibi di BHM dianan 14 i 28 di april ultimo.


Den media Knops ta bisa di a tuma nota di diferensianan di pensamentu entre gobiernu i e direktor temporal. Tur dos tin nan responsabilidatnan diferente i esaki por kondusí na diferensia den punto di bista.

Den relashonnan di gobernashon, i sigur riba un isla chikitu manera Boneiru, Knops ta bisa ku ta importante pa atende diferensianan na tempu.

E ta skirbi mas aleu di no ke bai den detaye di e diferensianan di punto di bista.


Knops ta skirbi gobiernu ku ta na Bestuurscollege pa tuma e mando, soru pa bon maneho i atende diferensianan di opinion ku e kompanianan. E ta bisa ku di Kolegio Ehekutivo e ta spera un maneho firme i konsistente pa yega na solushonnan. Ta pesei, tambe riba su petishon, representante di reino interino a hasi intento pa stimulá pa atendé e asunto aki na e manera korekto.


En general Knops ta bisa ku e ta kompartí e preokupashon ku tin tokante e maneho i e finansas di e kompanianan di gobiernu di Boneiru. Ta pesei Knops ta bisa ku ela firma un Bestuursakkoord fin di 2018 ku gobiernu di Boneiru ku sosten di Konseho Insular. Den esaki tin palabrashonnan tokante mehorashon di e funshonamentu, struktura i “Cheks and balances” den “corporate governance” na Boneiru. Esaki ta i ta keda un prioridat, segun sekretario di estado Raymond Knops. 

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com