click

PLAY 

Selibon ta deskubrí kantidat di shushi atrobe na tereno di APNA

Riba djaweps 2 di yüli último Selibon NV a saka un komunikado di prensa tokante su trabounan di limpiesa na tereno di APNA. Un siman no a pasa, ku ya kaba por a tuma nota di un kantidat di sushi na e tereno aki atrobe. Mayoria di e shushinan tabata konsistí di hopi pintura i material di obra di man pa mucha. Selibon a deskubrí asta un kaska di turtuga. Mesora a tuma kontakto ku STCB (Sea Turtle Conservation Bonaire) pa asina por a entregá e kaska di turtuga aki. 


Si tin hende ku ta rekonosé di ken e sushinan aki ta, por fabor mèldu esaki mesora na Selibon òf na polis. Na pueblo di Boneiru Selibon ta hasi e siguiente yamada: ‘Laga nos ta habitantenan responsabel i stòp di tira sushi den mondi!’

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com