click

PLAY 

Studiantenan di Fundashon Mariadal Academy a risibí nan diploma

Studiantenan di Fundashon Mariadal Academy a risibí nan diploma djasabra último. E seremonia aki a tuma lugá na captain Don’s Habitat. Kuater studiante a gradua komo ziekenverzorgende i shete komo verpleegkundige.


Presidente di hunta di direktiva di Fundashon Mariadal, dr. Giovani Frans, na e okashon aki a bisa ku graduando den e tempu di covid aki ta algu ku ta keda den memoria di e graduadonan. Dr. Frans mas aleu a bisa ku graduando ta nifiká un komienso di un siguiente etapa komo profeshonal den kuido, ku hopi responsabilidat.


E kordinador di FM Academy, Shirley Jibodh, den su diskurso djasabra anochi a bisa ku e graduadonan tin un tarea importante pa sòru pa nan próhimo. Nan disidí pa duna kuido na esunnan ku ta malu, sin importá nan kultura, etnisidat, riku òf pober. Ta spera di nan ku nan ta duna kuido di un manera profeshonal. I no mag di keda na esaki, ya ku tin un kaminda largu pa bai.


Na nòmber di e studiantenan Suhely Laken tabatin palabranan di gradisimentu. Na prome lugá gradisimentu na Dios, pa e don ku kada un graduado a risibí. Na tur dosente, na mèntòr, na guia di stage, guia di práktika i na eksaminadornan.


E graduadonan ta;

Ziekenverzorgende: Jaheña Angela, Lorienny Mercera , Allijaah Sanwikarta, Suhely Laken,


Verpleegkundige: Dayenne Elisabeth, Sharow-Ann Molina, Lisanne Paskel, Luisanne Cicilia, Mirelle Wijnalda, Gilberto Martis, Samantha Rosalina

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com