click

PLAY 

Studiantenan di MBO a presentá plannan di negoshi

Riba djabièrnè 19 di yüni tabatin klousura di e proyekto ‘Empresa chikí Boneiru’. Studiante di kuater diferente estudio di MBO Boneiru a presentá nan plannan di negoshi na gezaghebber Rijna i representantenan di Kámara di Komèrsio, Qredits i Cargill.

Studiantenan di nivel 2 di Servicemedewerker Gebouwen, Dienstverlening, Helpende Zorg & Welzijn BBL i Medewerker Financiële Administratie dos aña largu a sigui e sekshon di eskoho di ‘Komportashon empresarial’. Aki e studiantenan a siña pa mira oportunidatnan i pa mustra inisiativa. A stimulá nan pa aktua proaktivo i pa wak nan propio funshonamentu di forma krítiko. MBO ta haña ku e kompetensianan importante aki komo kolaborador empresarial, doño di empresa òf ZZP’er ta aportá na e desaroyo mas aleu di e isla.

Durante e sekshon aki e studiantenan a traha riba e proyekto ‘Empresa chikí Boneiru’, kaminda ku nan a formulá nan propio plan di negoshi. Kámara di Komèrsio i Qredits a guia nan den esaki. Bou di guia di juffrouw Suzy Bergland e studiantenan a presentá no menos ku 22 plan di negoshi djabièrnè ultimo. Cargill tabata impreshoná pa e kalidatnan ku nan a mira i na final tabatin komplimènt pa e studiantenan. E representantenan di Kámara di Komèrsio i Qredits ku plaser a mira e resultadonan ku a krea dor di entre otro nan guia. Gezaghebber tambe tabata kontentu di a mira ku e studiantenan tabata bezig di un forma empresarial ku nan futuro i esun di e isla. MBO Boneiru ta orguyoso di su studiantenan i e produktonan ku nan a presenta ku asina tantu pashon.

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com