click

PLAY 

Supervishon i mantenshon di lei, KPCN i inspekshon di labor 

a kontrola na sitio di konstrukshon

Direktorado di Supervishon i Mantenshon di Lei, Kuerpo Polisial Hulanda Karibense i Inspekshon di Labor konhuntamente a realisá un kontròl grandi di labor. Riba djamars 19 di mei nan a kontrolá un sitio grandi di konstrukshon na Playa. Direktorado di Supervishon i Mantenshon di Lei, Kuerpo Polisial Hulanda Karibense i Inspekshon di Labor tur a kontrolá a base di e leinan ku nan ta supervisá.


E guia operashonal na e sitio tabata den man di polis. E motibu pa e akshon aki tabata señalnan ku posiblemente tin kestion di trabou ilegal. Banda di esei posiblemente lo tabatin kompanianan trahando ku no ta den poseshon di un pèrmit di establesimentu.


Durante e kontròl no a topa ku estrañero sin papel bálido. Por lo tantu no tabatin kestion di trabou ilegal. E yunan di Kòrsou ku nan a enkontrá einan a bini Boneiru djis promé ku e medidanan di karentena. Nan ta trahando ainda dentro di e término liber di tres luna.


Direktorado di Supervishon i Mantenshon di Lei a kontrolá a base di lei di establesimentu. Un kompania no tabata den poseshon di un pèrmit di establesimentu. Ku énfasis a pidi e kompania aki pa stòp inmediatamente ku su trabounan. Ora ku su papelnan ta na òrdu e por sigui ku e trabounan atrobe. Direktorado di Supervishon i Mantenshon di Lei ta kontrolá strukturalmente si kompanianan tin un pèrmit di establesimentu. Un kompania sin un pèrmit di establesimentu no por ta aktivo.  

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com