click

PLAY 

Ta prolongá prohibishon di buelo, ku algun eksepshon

Prohibishon di buelo for di sierto paisnan pa islanan BES ta keda un medida importante pa limitá importashon di Covid-19 na e islanan, segun RIVM. Na mes momentu representantenan di e entidatnan publiko, a base di diferente konseho di OMT-karibe, a tuma medidanan pa gradualmente laga mas hende bin e islanan. Esaki ta loke ku ministernan Van Nieuwenhuizen di IenW, i De Jonge di VWS ta informá Tweede Kamer.


Abase di esaki a disidí pa prolongá e restrikshon pa trafiko aereo ku pasahero te prome di ougùstùs 6or di atardi ora lokal, i a ahustá e lista di paisnan pa kua esaki ta konta. E ahuste aki ta enserá ku no tin prohibishon pa buelonan for di Hulanda, Fransia, Alemania, Belgika i Luxemburg, pasobra no ta konsiderá e paisnan aki komo paisnan di risiko haltu.


E prohibishon di buelo ta konta awor pa paisnan di Union europeo, ku eksepshon di e sinku paisnan menshoná, Gran Britania, i paisnan di hemisferio oksidental, ku eksepshon di Aruba, Kòrsou i St. Maarten.

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com