click

PLAY 

Tamara van Ark ta bai bira e minister nobo di Kuido Médiko

Tamara van Ark di partido VVD ta bai bira e minister nobo di Kuido Médiko. Na yüli e lo bira e susesor di Martin van Rijn di PvdA, ku na mart a remplasá Bruno Bruins.


Despues ku Bruins a retirá pa motibu di kansansio, Van Rijn a remplasé temporalmente. Siman pasa a bira konosí ku Van Rijn lo baha riba 9 di yüli.


Van Ark aworaki ta sekretario di estado di Asuntunan Sosial i ta e mandatario ku entre otro ta enkargá ku e tarea pa yega na un minimo sosial pa Hulanda karibense. VVD tin un persona kaba pa sekretario di estado na luga di Van Ark. No ta konosí ainda ken esaki ta.


E sekretario general di e union di sindikatonan, Usibo, Norwin Willem, ta bisa ku nan tabatin un eksperensia positivo ku Van Ark tratando e asuntunan sosial pa nos isla. Pero Usibo ta karga e speransa ku kabinete ta mantene un maneho spesial pa islanan BES, pa kombatimentu di pobresa i stimulashon di desaroyo ekonomiko.

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com