click

PLAY 

Wardakosta lo keda patruyá intensivamente riba laman 

Awor ku ta de-eskalá e medidanan di COVID-19 riba Aruba, Boneiru i Kòrsou mester keda alerta. Na e momentunan aki Sur Amerika ta un di e fuentenan di mas grandi di e vírùs di corona i na Venezuela tur dia e kantidat di personanan infektá ku COVID-19 ta subi. Esaki ta un motibu pa Wardakosta siguí mónitòr i vigilá e fronteranan di Aruba, Bonairu i Kòrsou. E intensifikashon di e patruyanan ta prinsipalmente pa kontrolá e tráfikashon ilegal di merkansia i personanan ku ta hasi intento pa yega e islanan ilegal ku entre otro droga, munishon i ku rísiko ku e personanan por ta infektá ku e vírùs di COVID-19. Wardakosta ta pone tur su unidatnan disponibel pa asina garantisá seguridat den e awanan teritorial di Aruba, Kòrsou i Boneiru. E patruyanan ta ser ehersé konhuntamente ku unidatnan di Defensa riba laman i riba tera. 

Wardakosta ta keda apliká lei i detenshonnan na momentu ku personanan indokumentá purba drenta e islanan di forma ilegal. Lo entregá tur persona i kontrabanda na polis pa hasi mas investigashon. Abo komo suidadano alerta tambe por yuda Wardakosta. Na momento kubo mira algu sospechoso riba laman òf na kosta, bo por informá Wardakosta riba e number 913. E number akí ta alkansabel di dia i anochi. Huntu nos por protehá e laman i e awanan di nos isla. 

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com