click

PLAY 

Wardakosta ta duna su relato di e buskeda di Enoc Melaan

Di djarason atardi pa djaweps mèrdia tabatin e búskeda di Enoc Melaan, ku tabata pèrdí den mondi den besindario di Bopec. Wardakosta tambe tabata parti di e búskeda aki. Wardakosta ta duna su relato di e buskeda aki.


E Rescue and Coordination Center (RCC) di wardakosta djarason anochi a risibí un petishon pa asistensia di polis na Boneiru. Dos persona a bai tira yuana den mondi. Dado momentu nan a pèrdè otro i un di nan no por a haña e otro ningun kaminda den 

mondi. E persona pèrdí tabata den besindario di un saliña. E RCC di wardakosta a dirigí e helikòpter di wardakosta pa Boneiru pa asistí den e búskeda. Lamentablemente e búskeda di e anochi ei a terminá sin resultado positivo.


Djaweps mainta famia di e persona pèrdí, huntu ku KPCN i KMar a kontinuá ku e búskeda. Outoridatnan a hasi uso tambe di un drone pa yuda buska for di den haltu. E helikòpter di wardakosta tambe a kontinuá ku e búskeda. Despues di hopi buska, den mèrdia e helikòpter di wardakosta a mira e persona drumi riba su barika den mondi. E helikòpter, ku sosten di personanan na tera, a hisa e hòmber i a hib’e aeropuerto kaminda tabatin un ambulans ta warda pa hib’e hòspital.


Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com