click

PLAY 

WEB a konmemorá 5 aña sin Black Out 

Resientemente Water – en Energie Bedrijf Bonaire (WEB) a konmemorá 5 aña sin Black Out na Boneiru. WEB a konmemorá e okashon aki demostrando su apresio na esnan ku a hasi esaki posibel dor di nan dedikashon, trabou duru i profeshonalismo. 

Base pa esaki ta un koperashon estrecho entre WEB i Contour Global Boneiru, ku huntu ta responsabel pa e suministro di koriente na Boneiru. Den e periodo di 2016-2019 miéntras Contour Global Boneiru tabata trahando riba nan plannan pa introdusí mas energia duradero i konfiabel, WEB asumiendo e responsabilidat pa Boneiru a re-introdusí Aggreko den e periodo aki, pa por a sigui garantisá suministro di koriente. 

Komo parti di e selebrashon aki WEB ta rekonosé e kontribushon i koperashon ku algun empresa i partner lokal a duna WEB den momentunan difísil. 

WEB i su partnernan ta sumamente orguyoso di por sigui sirbi e komunidat di Boneiru den su totalidat i lo sigui hasi tur loke ta na su alkanse pa suministrá koriente duradero i konfiabel den futuro. 

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com