click

PLAY 

WEB a kuminsá ku reparashon di e liña prinsipal di awa di irigashon

Water- en Energiebedrijf Bonaire N.V (WEB) a start dia 6 di yüli ku renobashon di e liñanan di awa di irigashon ku mester transportá awa di
irigashonbèk pa hotelnan (9e EDF). 

E proyekto ta kuminsá na Belnem i ta kaba na altura di planta di awa na Hato. Na mes momentu i den bon konsulta ku Directie Ruimte & Ontwikkeling (DRO) lo renobá Kaya Grandi i Kaya Gobernador N. Debrot. Fecha di entrega pa e proyekto ta planiá pa fin di aprel 2021. 

Den e siman di 13 di yüli lo kuminsá ku e trabounan di kobamentu na Belnem ku lo tuma luga di djaluna pa djabièrnè entre 08:00-16:00 i si ta nesesario riba djasabra, na momento ku no tin otro opshon. 

Pa habitantenan e trabounan lo trese molèster inevitabel kuné. WEB komo supervisor di e proyekto aki lo hasi tur loke ku ta na su alkanse pa evitá e molèster mas ku ta posibel. Bonairiaanse Wegenbouw Maatschappij (BWM) ta e kontratista enkargá ku ehekushon di e trabounan. 

WEB lo mantené habitantenan periódikamente informá tokante e progreso di e proyekto atraves di medionan di komunikashon. 

Bon FM 102.7 | Kaya Irlanda 11 | Ofisina 717 2102 / Studio 717 3102 | bonfm@hotmail.com